Thlichia Hmanh Nih A Hrawh Khawh Lomi Mithla Hraannak Inn Pi

Kan umnak vawlei cung hi thil khuaruahhar in a khatmi vawlei a si bantuk in cheukhat thil cangmi hna hi cu minung lungthin le thluah zong nih a phanh khawh lomi le a ruah khawh lomi an rak tampi ve. Cun mithla kan timi zong hi Khrihfa biaknak aa tlaihmi kan si ko zongah kan nih caah cun khuachia he pehtlaihnak a nei bakmi a si caah a um bak lo ti cu chim khawh si lem lo.

A luan ciami kum 2008 lio ah khan thazaang tthawng tak tak mi thlichia cu American rili ram hrawngah faak tak tak in a rak hraang i cu kaa hmun pawnghrawng ah a ummi inn vialte zong a rak hrawh dih hna.Mah thlichia nih hin minung umnak inn lawng hmanh si loin thlichia hraannak hmun pawnghrawngah a ummi thingkung hna zong tamtuk a rak khiah hna.

A si nain hi thlichia a rak hraannak pawngkam hrawngah a ummi minung hna lau lak in le khuaruahhar in a rak tuah hna tu thil pakhat a um i mah thil cu zei dang si lo in mah kaa pawnghrawng ah a ummi hna nih mithla a hraang tuk an tinak inn pi pkhat cu rawk lo bak in him te le ttha hirhiar tein a um huar ko.

Mah inn pawng hrawng hraang ah a ummi a dang inn pawl cu an rawk dih hna nain mah mithla hraannak inn pi cu rawk bak loin a dir huar ko caah cu ka khuami hna cu an khuaruah har kho tak tak ve. Mah inn pi hi a luan ciami kum 1988 lio hrawngah khan mithla a rak hraan tak tak nak inn si i mah lio chan ah cun mah inn pi pawngah hin zaan ah a ho hmanh an rak i chok ngam lo.

A si nain chanthar a hung phanh tik ah mah inn pi zong cu a nei tu nih dawh deuh tein a hun remh tthan ve i mithla a hraang tuk timi thawngpaang zong a hung dai deuh ngai. A si nain tu ni caan tiangah mah inn pi umnak hmun pawng hrawng hraang ah a ummi hna nih a phi an chuah khawh rih lomi cu zei ruangah dah mah inn pi hi thlichia zong nih a hrawh khawh bak hnga lo timi hi si.

Releated Post