ISIS Ralhraang 3000 Leng Nih Hriamnaam An Chiah Tthan

ISIS 3,000 leng nih an hriamnam vialte cu US bawmhmi SDF hna sinah an chiah tthan i sung an khan. Syrian Democratic Forces (SDF) aiawh biachimtu Mustafa Bali nih cawnni lini zanlei ah ISIS hna an chiah mi hriamnam hi 3000 in a sang cawlh tiah a chim.

Syria khuapi Baghouz ahhin ISIS pawl he a donghnak raltuk hi a fak ngaingai. Cawnni lini ah Syria i CNN team hna nih an mit in ISIS pawl bomb he ngol lo an phomh lio cu an hmuh. Syrian Democratic Forces (SDF) nih ISIS tlawmpal a tang rih mi an tthuat ding hi news ah an chim rih duh lo.

Twitter ah Mustafa Bali nih tihin ca a ttial: “ISIS he ral kan i tuk nak hi a hlan nak in dongnak lam a neih thluahmah  cang” tiah a Twitter ah a ttial. Mustafa Bali nih ‘ISIS pawl meithal an chiah nak pa hnih kan do hi kan hrawh cang mah kan doh nak ah hin IS ralkap 38 kan thah hna’

US le Syria fonhmi ralkapbu nih hin ISIS pawl nih Syria le Iraq ramri karlak i an uk mi Swaths hi kum 10 chung bak doh i tthawl an timh cang hna sihmahsehlaw February thla ah SDF le US ralkap nih Swaths khuapi an doh hlan ah SDF official hna nih minung an tlaih mi 1500 le ISIS ralkap 500 hrawng an si tiah an chim natein an doh hnu ah mah nak in an tam deuh. ISIS pawl cu an dongnak lam an neih tluahmah cang.

Releated Post