Facebook Is Down: Donald Trump ruangah Mitampi Facebook Le Instagram ah an Lut kho lo

Facebook hi vawlei cung i social media an hman tam cem mi a si i Fb ah hin minung 1.69 billion hmangtu an um. Mitampi caah cun mah Fb hi an rian a si i tunai te ah hin Fb nih buaibai nak an tong.

Mitampi cu Facebook chung ah hin an lut kho lo (Log in) sihmanhsehlaw mi cheu cu Facebook ah hin an lut kho ko a si nain Page, hmanthlak upload, like pek, post le ca kuat a ngah lo.

Vawleicung i Fb hmangmi Europe, US, Brazil, Japan le Australia hna caah cun Fb ah hin an lut kho bak lo. Fb ah login an tim paoh hin phone screen maw computer screen ah “Facebook is under Maintenance” tih in a lang.

Mitampi Fb ah an login khawh lo caah report 1,869 hrawng Facebook sinah a phan. Facebook hi technical buaibainak lei hi cu nazi 3.30 (GMT) ah an ser. Mah buaibainak a ruang hi data issue information ruang ah le politic ruang ah a si.

Buainak hram hi Cambridge Analytica in aa thawk mi asi Cambridge Analytica i an CEO Alex Nix hi a rian in caan tawite chung an ngol ter. Cambridge nih hin Fb hmanmi hna an information hi an fir piak. Mah information an fir mi hin Fb hmangtu a ziaza le a umtu ning le a thil duh mi vialte hi politic lei Donald Trump Campaign sinah a pek hna.

A fawi nak in chim ah cun Facebook nih 87 million leng fb hmangmi hna information hi Cambridge Analytica i researcher sinah an pek cun researcher nih hin Fb user hna iformation hi a hack lo online Quiz a tuah nak in an information vialte hi a lak mi asi cun mah information vialte hi

Cambridge Analytica nih Trump Campaign bu sinah an pek. A bia pi cem cu zeitindah Trump le Cambridge Analytica nih hin pehtlaihnak an neih mi hi asi. Cambridge Analytica Steve Bannon nih Trump tthi rual bawmh nak in an ser mi asi a luancia kum 2016 election lio ah khan Steve Bannon hi Cambridge Analytica vice president a si.

Cambridge Analytica an ser dih hnu hin Steve nih Trump sinah a rianttuan ning a chimh. Mah ruang ah hin Facebook le mitampi nih buaibai nak an tong. Instagram zong a ttha hlei lo Instagram hi Facebook ta a si i Instagram ah mitampi hna zong an lut ve kho lo.

Facebook sertu le a neitu Mark Zuckerberg nih “Keimah palh a si. Tu hnu cun facebook performance hi tlawmpal a ttha deuh lai lo a si nain ka caah biapi cemmi cu Fb hmangmi hna information hi cucaah tu hnu cun data security lei ah hin  faak piin thazaang kan pek cang lai” tiah a chim.

Releated Post