Zawtnak Ttha Lo Neimi Nu Nih Khuami Pawl Harsa Tak In A Tuah Hna

Minung hi pshycho bak in zei maw zat cu a nung vemi kan si bantuk in a caan ah cun mah kan pshycho hi a rak piin tuk tawn i a herh lem lomi harsatnak zong kan tuar tawn ve. India ram khua pakhat ah min theih lo mi kum 36 nu pakhat cu HIV zawtnak rungruk ka nei ti aa theih ruangah tidil chungah zuang in a mah le mah aa that.

Mah nu ruak cu tidil chungah khuami hna nih an kawl i an hmuh tik ah a ruak zong zei mawzat cu thu in le rawk in a um cang caah mah nu a zuannak le a thihnak tidil chung ti vial te cu khuami hna nih chuah dih an timh. Zawtnak a nei lomi minung pakhat khat cu hei si sehlaw a tu bantuk in tidil chung ti hi chuah dih dingin nawl nei tu hna sin ah zei hmanh kan chim lem hnga lo.

A si nain a tu ah a thimi nu hi HIV zawtnak rungrul bak a neimi si caah khuami hna nunnak khamh duh ruah in tidil chungah a ummi ti hi rak kan chuah piak hraam ko uh tiah cozah lei nawl nei tu le ttuanvo nei tu hna sin i kan halnak hi si tiah khuami hna nih cun an chim ve.

“HIV zawtnak rungrul hi ti chungah a nung kho lo i midang cung zongah mah ti men hin a kai khomi si lo tiah kan hnemh len hna ko nain mah khuami hna nih cun an duh lo i an mawh nawl bak in ti dawpnak seh le pipe hna la in tidil chung ti cu chuah an timh. Mah thil a cangmi ruangah khuami hna cu an khua in meng tampi a hlaatnak hmun ah din ti an thlai hna i harsatnak zong an tong ngai ngai” tiah mah ka khuami pakhat a fim deuh ngaimi le khuaruat kho deuh ngai a simi Nagaratj timi pa nih a chim.

HIV zawtnak rungrul a nei tu minung hi India ram chungah cun nikhat hnu nikhat in an zor chin thluahmah cang nain HIV zawtnak rungrul a nei tu hna thleidang in pehtlaihnak timi cu a um peng ko rih. India ram chungah hin minung million hnih (2 million) leng HIV zawtnak rungrul a nei tu an um hna i mah zawtnak an neihnak nih hin an nunnak ah mithla bantuk in a tthih pheih peng hna tiah UN lei in a chim ve.

 

 

Releated Post