Kum 2019 Ah Uar Um Bikmi Plus Size Model Pahra Hna

Nu vialte nih hna nih hin an mah le an sining cio tein dawhnak an neih dih i cheukhat nih cun der hi nu hnga caah cun dawhnak a si tiah an chim tawn nain mah bia cu a dik lomi si, a thaumi kan si ah a dermi kan si zong ah kan mah he aa tlaakmi thil hruk ning daan kan thiam paoh ah cun a ho kan se zong ah kan mah te cio in dawhnak kan rak nei dih ko.

Tutan ah kan vun ttialmi hi vawlei cung model hna lak ah a thau ngai ko nain a smart bakmi hna le uar um bak hnami model pahra hna an si. Dawhnak kan timi hi der le thaunak he aa rak pehtlai lem lo i a thaumi hna zong an mah le an sining tein dawhnak an rak nei ve ko timi cu a tanglei model pahra hna nih hin an langhter ko lai.

La’Tecia Thomas: La’Tecia Thomand timi hi Australia ram minthang bik plus-size model hna lak ah aa tel vemi si i tuan deuh lio hrawngah khan size 10 le fitness modelling timi zuamnak zongah aa rak zuam bal vemi si nain a tu ah cun size 16 a si ve cang.

Clementine Desseaux: A nih hi a luan ciami kum 2016 lio ah body positive model le blogger pakhat a rak si i Charli Howard he ttang tti in All Women Project timi rian zong a ttuahmi si fawn.

Robyn Lawley: A nih hi nu pakhat nih cun der hnu lawngah model rian ttuan khawh a si timi bia a khiak tu Austalian Cosmo Politan le Australian Vogue cover hna ah hmasa bik langhter a tong tu Australia moder pakhat a si ve.

Precious Lee: American Vogue le Sports Illustrated hna ah langhter a tong vemi minak plus size model pakhat a si ve. I am No Angel and This Body timi Campaigns hna a tuah tu si i mah a tuahmi cu tungtai dawhnak lei deuh ah zoh dingmi body positive Campaign timi a tuah tu si.

Candice Huffine: Model rian ttuan ding i a rak luh ka ah hin agent pawl nih a khing rihnak zor ter dingin an rak chimh nain a rak duh bak ve lo i ralttha tak tak in a thau pah bu he model rian a ttuan hnu ah American model Tara Lynn he zong rian ttua tti in a min thang bak vemi si.

Tara Lynn: Italy Vogue ah langhter a ton hnu in a luan ciami kum 2011 lio te khan laar hram aa rak thokmi si i nu hna nih kan i chuah pimi kan takpum aa hi kan dawt ding a si lengah kan tlaih chan bak ding si timi a aupi tu le a dir pi tu bak si fawn.

Crysrtal Renn: Kum 14 a rak si lio, model rian ttuan hraam aa rak thok kaa hrawngah cun agent pawl nih a khing rihnak le a thaunak zor ter dingin an rak chimh len ruangah der duh tuk ruang i ei duh mi zong ei ngam lo tiang in aa sum caah zawtnak tiang a rak tuar bal ve.

Chloe Marshall: Miss England Tiara timi zuamnak ah a voi khatnak bik last final tiang a kai kho vemi tu size 16 model pakhat a si i a dermi model hna lawng nih Miss England timi zuamnak ah an lut kho timi bia a khiak kho tu bak si ve.

Jennie Runk: US Vogue’s 2005 lio ah an rak langhter vemi minthang model pakhat a si lengah model lawkah ah Body sructure he pehtlai in thlei dannak a um tawnmi thil a let thal kho bak ve tu si i tungtai dawhnak le dawh lonak kong he pehtlai in thleidan nak a um mi thil kong zong BBC ah shape diversity tiin ca a ttial tu zong si.

Ashley Graham: A luan ciami kum lio ah Sports Illustrated ah a hmasa bik langhter a tong tu plus size model pakhat a si ve. Sports Illustrated timi magazine ah hin a nih hi cu aa dawh lawng ah a tungtai zong ttha bak timi model nu pawl lawng an langhter tawn hnanak si ve.

Releated Post