Kum 47 Nu Nih A Darling Pa Thang Piin A Hnar Caah A Zak Ah Meithal He A Kah

US Florida i a ummi kum 47 nu nih a darling pa zan an i hngilh lio ah thang piin a hnar caah a zak ah meithal he a kah. Kum 47 a si mi Lorie Morin hi meithal he a darling pa a thang piin a hnar caah a kah caah hin palik pawl nih an tlaih i a darling pa Breet Allgood hi ambulance he hospital ah palik pawl nih an tlik pi cawlh.

Dothlattu pawl nih meithal he hin a kah sual tiah an chim sihmanhsehlaw a darling pa an chawnh hnu ah Breet Allgood nih ‘thang pi in ka hnar caah a meithal he a ka kah tiah a chim.

An tlaih hnu ah a darling nu Morin hi bia an hal i Morin nih ‘ka darling pa he hin rum kan ding i rummy tih mi game kan i celh i kan ri tuk i meithal kha ka kah sual’ tiah a chim. A si nain a darling pa Breet Allgood chimning ahcun ‘ka hngilh lio ah meithal kah aw ka theih i ka tthang i ka orhlei zak cu thisen he a khat dih i  a fak tuk’ tiah a chim.

A darling pa Breet Allgood bia chimmi an theih hnu ahhin Morin hi bia an halt tthan i a hlan i a chim mi he aa khat kho ti lo. Bia halnak zung chung ah hin bia an hal chung vialte  aa ttah ter i Morin hi Brevvard County Jail an thong an thlak cawlh.

Releated Post