American President Nih An Hmanmi Mawttaw (or) Vawlei Cung Mawttaw Lak Ah A Him Bikmi Mawttaw

Vawlei cung mawttaw vialte hna lak ah a ttha bik, a him bik le a tthawng bikmi mawttaw kong hi na rel bal ve maw dik! Mah mawttaw cu vawlei cung ah president panih hna lawng nih an i citmi mawttaw zong a si i American president hlun Barack Obbama le a tu lio i a voi 45 nak American president a simi Donaldo Trump lawng bak nih an i cit rihmi mawttaw zong si fawn.

Mah mawttaw hi vawlei cung mipi hna nih The Beast tiah an theihmi Cadillac One timi mawttaw a si bantuk in mah mawttaw model kongkau hi a thei bal rih lomi le a rel bal rih lomi hna kan um sual ah zei tluk in dah a tthat, a him timi le a tthawn timi kong cu a tang lei ah ka vun langhter hna lai.

Mah One model timi ah hin Duramx tiah auhmi 6.6 liter hmanmi V8 Engine an bunh lengah Supercharged timi diesel engine timi zong an bunh chih fawn. A luan ciami kum 2009 thok in khan mah mawttaw cu American president nih aa cit dingmi mawttaw ah hman hram an rak thok.

One timi mawttaw hi pound 14000 tluk bak a rit mi si i tulio vawlei cung mawttaw lak ah a ttha bik timi Toyota Camry hi pound 3200 tluk lawng a ritmi si. Zei ruangah dah mah tluk in a rih tiah cun a chungah hin meithal hriamnaam, steel, aluminium Titannium le Ciramite pawl an khumh chih dih ruangah si.

Mah mawttaw chung luhnak mawttaw innka hna ah hin tawh awnnak a um ve lo i president he a cuang ve dingmi minung hna lawng nih mah mawttaw chung luhnak ding innka on ning cu an theih. Mah mawttaw thlalang hi lehmah panga tluk in a chahmi le meithal kuan nih a teih/hlanh khawh lomi thlaland pawl an bunh rih fawn.

Cun meithal kuan nih a hlanh khawh lomi thlalang an bunh leng ah a chungah hin thli thianhnak system zong an chiah chih ruangah chemical hriamnam i zei tluk an tthuat zong ah a chung ummi minung caah ttih ding um lo. Missile zong nih a teih khawh lo lengah mitthli tlaaknak bom zong nih a teih kho hlei fawn lo.

Zei tluk in dah a feh tiah cun diesel rawnnak tank hmanh hi meithal kuan nih a teih kho lo i aa cit tu president thi group he aa khatmi thi bawm le a thleihnak vialte zong an chiah dih rih, cun emergency in hman dingmi oxygen dur zong an chiah chih rih fawn.

Vawlei cung zei bantuk ram hmanh ah a chawn kho ding tu phone zong a chungah an chiah i video conferencing timi meeting zong mawttaw cit pah bu in tuah khawhnak TV program an chiah rih. Bom nih a teih nak hnga lo tiin mah mawttaw tanglei ah Kevlar timi defense system zong an chiah caah bom nih a puah zong ah a rawk kho hlei fawn lai lo.

Mah mawttaw ke tyre zongah hin Kevlar timi system an bunh chih caah mawttaw ke chungah thli um hlah hmanh sehlaw normal tein mawngh khawh si rih, mawttaw ke tyre maan dih in um hlah hmanh sehlaw tyre lo zong in normal tein mawngh khawh rih si fawn.

American ram ah president thahnak ni le caan minthang a simi October ni 11 lio ah a rak cangmi bantuk khan mah mawttaw One model timi hi misual hna nih an rak kah ning bantuk tein an kah chun nain zei ti hmanh i a um lo caah American president cit dingin an chiahnak hi si. Mah One model mawttaw hi American White House nih 12 bak an neih i a herh ah cun president nih khoi ka ram khual a tlawn zongah aa ken khawh dingin ready tein an chiah piak peng ve.

Video zohnak: https://youtu.be/9iGo6A-GflY?t=12

 

 

 

Releated Post