Cotton Bud Hi Kan Hnakhaw Caah Ttih A Nunning Hi Khuaruah Har Ngai A si

Pa pakhat cu Cotton bud he a hnakhaw a thianh lio ah a lung a mit i ambulance he hospital ah an tlik pi. Min chim lo mi mizaw pa hi a hnakhaw chung ah ah hin hnakhaw thianhnak cotton bud a tang caah a lu ruh ah ah hin zawtnak a chuak.

Mah pa hi England khuapi Coventry area lei i ummi a si. Mah pa hi lu fah. Hnakhaw fah hna hi a nei peng mi a si. A chimning ahun mi a theihmi hna an min zong ka philh pah tawn i cun ka luak leng mang tiah a chim.

Coventry and Warwickshire HNS trust Hospital nih mah pa hi A&E a phanh in an zokhenh cawlh. Sibawi pawl nih mahpa hnakhaw chung hi an zoh piak i ‘a hnakhaw hi a phing i hnakhaw thianh nak cotton bud cu a hnakhaw chung ah cun an hmuh.

A hnakhaw chungah hin caan zeizat dah hnakhaw thianh nak cotton bud hi a tang cang tih hi a fiang kho lo. A hnakhaw chung ah hnakhaw thianhnak cotton bud a tang caah hin mizaw pa nih hin kum 5 chung bak aw a thei tthi ttha kho ti lo.

Sibawi pawl nih a hnakhaw chung hin hnakhaw thianhnak cotton le hnawm pawl hi an chuah piak i necrotizing otitis exeterna timi he an zokhenh.

CT scan an tuah piak i a thluak le a lu ruh kralak chung ah hin hmahnai an hmuh. A hnakhaw an thiahnh piak le antibiotic si an pek hnu hin a thluak chung i hmahnai zong hi a zawr cang. Mizaw pa hi zarh 10 hnu ah damnak a hmuh cang i mah hnu hin cotton bud hnakhaw thianhnak he a hnakhaw a thianh ti lo.

Releated Post