Ka Inn Pa Nu He Zankhat Chung Kan Pasal Kan I Thleng

Minung kan nunnak ah inn pe le chak thlang cu i dawt ding bak a si ko i kan nih Khrihfa hna ca hrim ah cun mah le inn pa he i dawt ding zong kan Bible nih a kan fial bak mi si. A si nain pakhat le pakhat maw a si lo ah inn pa chak thlang hna he i dawt tik zongah hin i dawt ding ning cang a um ve ko i midang nih an tuah bal lomi thil le a hlei hluat tuk i dawt hna hi cu a rak ttha lem ve lo.

England ram Kent timi district in nichuah chaklei ah a ummi Birchington-on-Sea timi rili kam khua pakhat a cangmi inn pa hna an i dawt ning cung mak tak tak. A luan ciami kum 1970 lio hrawngah khan mah ka khua ah cun Robert le Kay Moriarty timi nuva hna le Rita le Terry timi nuva hna an rak um i inn pa an si bantuk pakhat le pakhat zong an rak i daw tuk hna.

Voikhat cu Kay timi nu nih an inn pa nu Rita timi nu cu kan pasal le kan pasal hi zaan khat chung thleng in nupa sualnak hmang tti hna usih tiah a sawm. Kay nih a chimmi cu Rita zong nih a cohlaan hnu le an pasal le hna zong nih an cohlaan ve caah an pasal le an pasal hna cu zan khat chung thleng in nupa sualnak sex zong an hmang tti hna.

Kay nih hin nupa sualnak tuah ning kong he aa pehtla mi cauk pakhat a rel hnu ah a tu bantuk thil tuah ding ruahnak hi a chuah termi si i Kay khuakhan mi cu an inn pa hna Rita le a va pa zong nih an hei cohlaan piak ve ko. Cun Kay hi a pasal Robert he nupa sualnak tuah tti duhnak lungthin a neih khawh ti bak lo caah mah bantuk thil a tuahnak zong hi si fawn.

A pasal Robert he an rak i hmuh ka ah Kay timi nu hi kum 19 lawng a rak si rih i Robert tu cu kum 23 a rak si cang. Fanu pakhat le fapa pakhat an neih hnu chungkhar tling tein khua an sak ko bu zongah an kar ah hin thil pakhat khat a bau mi a um ko rua tiah Kay nih cun a rauh peng.

“Ka pasal Robert he lawng hin nupa sualnak a hmang balmi nu ka si bantuk in a cungah fel te i um khawh kaa zuam peng, a si nain Robert a si lomi padang he hin tak sex hmang ning law zei ti khin dah um hnga timi cu a thli tein ka ruat tawn” tiah Kay nih cun a chim. Cun an an inn pa nu Rita he zankhat chung an pasal thleng le it tti ding i a ruahmi cu a pasal Robert sin a chimh tik a duh lem lo nain Rita pasal Terry tu nih cu a lung tho ngai ve.

Cu ti cun an pasal le an pasal cu thleng in zankhat chung caan hman ding in hnatlaaknak an tuah hnu ah Robert le Rita cu hotel pakhat ah an kal i Kay le Terry zong cu hmundang ah an kal ve. “Terry he nupa sualnak kan hman ka ah cun aa phundang ngai in ka ruah caah zurit bantuk bak in ka ri i a nuam tuk khun in ka theih” tiah Kay nih Terry he sex an hmannak kong he petlai in a chim.

A si nain a thaizing an inn a va lawi tik ah thil sining aa rak thleng dih cang i a pasal Robert le Rita hna cu chungkhar dir an rak i tim diam ai, cu tik ah Kay cu zei hmanh tuah kho ti loin Terry sin ah a kal ve. Cu ni caan thok in Robert le Rita cu chaklei ah an kal diam i Kay le Terry cu thlanglei ah khua an sa.

Mah thil nih hin nu le va kar tthennak a chuah ter lengah an fa le hna zong hring tu nu le pa hna he a tthen ter ve dih hna. “A tu ah kum 78 ka si cang nain mah ka rak tuahmi thil ruangah ka cung i a tlungmi ngaihchihnak hi a dam kho bak rih lo, Robert hi ka duh ruangah ka rak vaat mi cu si lo nain a nuammi chungkhar pakhat cu ka rak dirh khawh ve ko tiah kaa ruah” tiah Kay nih cun a chim chap.

Releated Post