Debbie Rowe Nih Michael Jackson He An Nupa Dirhmun A Chimmi Nih Mitampi A Lauhter Hna

Michael Jackson nupi Debbie Rowe nih an pa Michael he an nupa dirhmun a chimmi nih mitampi a lauhter. Debbie Rowe hi Michael Jackson he hin a luancia kum 1996 ah an i tthi i kum 1999 ah an i tthen tthan.

Debbie Rowe nih hin “Michael Jackson he kan i tthumh nupa kan rak si lio ah khan zeitik hmanh ah nupa sinak a ka tuah pi bal lo i a nupi bantuk zong in a ka zoh lo um hrai (vessel) bantukin a ka zoh tawn” tiah a chim.

Michael he hin nupa sinak an bal lo natein fa a ngeih khawh mi hi mitampi nih an zum kho lo a sinain Debbie nih “ ka fa le Michael Jr le Paris hna hi Michael fa diktak zong an si lo. Michael he hin zeitik hmanh ah nupa sinak kan tuah bal lo i um hrai sawhsawh bantuk in a ka zoh tawn” taih a chim.

MJ he nupa sinak tuah bak loin fa  ka neih khawh nak a ruang hi “Michael Jackson nih hin siikhan ah a ka kal pii i cu siikhan ahcun baw (sperm) donation nak ah baw (sperm) an ka donate ruangah hin fa ka nei khawh mi hi a si “tiah a chim.

Rowe hi Michael he an i tthit hlan ah hin vun lei siikhan ah nurse rian a ttuan tawn mi a si. A luancia kum 2009 Michael Jackson a thih hnu hin Rowe nih hin fa pakhatnak a neih piak. “

Fa hi keimah caah ka nei lo i Michael pa sinak a tlinnak caah lawng fa hi ka neih piak mi asi zeitikhmanh ah nu ka si bal lo, a diaper hna zong ka thleng bal lo i zan laifang ah zong ka tho ballo, Michael nih a dawt tuk hna caah amah nih a dihlak in a tuah dih tawn hna” tiah a chim.

Rowe hi Michael he hin a luancia kum 1999 October thla ah an i tthen. Michael a thih hnuh ah Debbie nih mah bia vialte hi a chimmi a si.

Releated Post