Kum Tling Lo Nu Hlawhhlaang Rian Ttuan Ter Tu Hna Ah Mithang Idol Pawl An I Tel Ve

Ca ttial thiam Joo Won Kyu timi pa hi South Korea ram Gangnam district chung Gangnam club ah thlaruk chung bak rian a ttuan hnu ah a tonmi thil pawl cu ‘made In Gangnam’ timi bia tlaang taar in cauk pakhat a ttial. Joo Won Kyu timi pa hi midang le thlah tu tian a ttuanmi si bantuk in a hlei in call girl pawl kal an duhnak hmun kip ah a thlah tawn tu hna si i mah rian a ttuanmi hi ttuan a duh tuk ruangah si loin cauk pakhat ttial le chuah a duh ca tu ah si.

Joo Won Kyu nih cun Seungri i Burning Sun timi thil a hme te lawng a ttial rih i mahnak in a lianmi thil zong tampi an um rih tiah a chim. Cun a bik tak in Joo Won Kyu nih a ttialmi cauk chungah a langhter mi cu kum tling lo nu pawl hlawhhlaang rian an ttuan ter hnanak club zong tampi a um i call girl hna lak ah hin cheukhat cu taang sarih lawng bak a kai liomi hna an um tiah a ttial chih.

Cun kum tling lo nungak tlaihhrem an duh caan paoh ah an hman tawnmi rithaisi le mah rithaisi an hmannak kong theih khawh lonak ding caah an tuahmi professional rian ttuan ning vialte an hmannak kong zong a chim rih. Cheukhat club hna ah cun phung ning loin kum tling lo nungak pawl hlawhhlaang rian an ttuan ter hna nak ah sex an hman lionak video tiang hmanh an laak rih i mah rian a ttuan ngam tu nungak pawl nih cun Won 100 million bak an hmuh ve tiah a ttialmi ah cun aa tel rih.

Cun Joo Won Kyu i a chim ning ah cun Seungri timi minthang minta le hlasakthiam hna zong mah bantuk club tuahnak ah hin an i tel ve i sharer zong a chia tu an tam pi rih ti si. Joo Won Kyu nih hin an inn in a tlimi kum 10 luan ka nungak pawl hna he an i ton hnu le mah bantuk rian thlaruk chung a ttuan ve hnu bak ah mah cauk cu ngamh tak tak in a ttial ve.

Kum 10 luan ka nungak no te te hna nih hin zei ruangah dah Gangnam timi club ah rian an ttuan duh tiah cun mah club i rian a ttuan tu hna nih cun thlakhat lawng hmanh ah Won 5000000 (5million) tluk bak an hmuh ruangah si i cheukhat hna cu mahnak tam zong a hmu tu an um peng ruangah si tiah a chim chap.

 

 

Releated Post