Mipi Nih Su Kyi An Don Bantuk In Cherry Htet Zong An Don Ve Cang

Tulio kan kawlram cozah hruainak ah ruahnak pe tu a simi Daw Aung San Su Kyi nih a mah veng tu bodyguard bak ah aa thimmi Ma Cherry Htet hi cu Aung San Su Kyi tluk deng bak in mipi nih an uar ve ko cang. Daw Su Kyi nih kan mah ram chung i khoi ka hmun a tlawnnak hmanh ah a pawng ah um peng ding in aa hruai peng vemi le aa bochan bak vemi a si bantuk in a mah zong cu aa fit bak ve hoi.

Kan hnu lei i Daw Aung San Su Kyi Sagaing ram tthen lei khual a tlawnnak ah ruah lo piin Ma Cherry Htet cu thil sual pakhat a tuah sual ve. Sagaing ramtthen Monywa khua chung an luh lio i mawttaw cung in a ttum lio ah Ma Cherry Htet cu ruah lo piin a tlu sual.

Cu thil a ton sualmi kong he pehtlai in a pi Daw Aung San Su Kyi nih bia a chimmi kong zongah a lau kho tak tak ve, a mah nih a ruah ning ah cun mawttaw cung a ttum lio i a tluknak hi a pi nih a hmu rua lo tiah a ruah nain a pi nih cun a rak hmuh ziar i “ka fa nu a faak tuk maw” tiah a rak hal diam.

Tutan Bago ramtthen an tlawnnak zongah a rak dongtu mipi hna nih Daw Aung San Su Kyi lunglawm tein an rak don hna i mah an don hna lionak video file zong social media cungah a hung laar tak tak. A tu ah cung Daw Aung San Su Kyi khual a tlawnnak kip ah a rak dong tawn tu mipi hna nih a tu ah cun kan Pi Su Kyi lawng hmanh si ti loin a pawng ah a um peng vemi Ma Cherry Htet zong an hun ngiat thlai ngai ve cang.

Zei tluk in dah Ma Cherry Htet zong lunglawm tein an don tiah cun voidang i ‘kan pi Su dam hraam seh law a nun khua zong sau ko seh’ tiah an rak au tawnmi kha a tu ah cun ‘kan pi Su dam sehlaw a nun khua zong sau ko seh’ ti lawng si ti loin Cherry Htet zong kan dawt tuk timi bia an au chih len cang.

Video zohnak: https://www.facebook.com/ApannPyay/videos/264668471141095/?t=0

 

 

Releated Post