Nunnak A Nei Ti Lomi A Nupi Ruak Bak Kum Nga Chung A Ih Pi

Vawlei cung minung vialte hna nih hin kan duh tukmi le kan tleihchan tukmi minung he i tthen ding cu a ho hmanh nih kan siang cio lo nain kan i ruah lo lengin thil a cang sualmi ruangah kan duh tukmi le kan tleihchan tukmi minung hna he cun kan i tthen tawn. A si nain caan nih cun zei paoh te hi a dam ter khawh bantuk in kan lung fahnak le kan ngaihchiatnak vialte cu caan nih a liam pi dih hnu ah cun kan philh khawh lomi zong philh an si tawn ko.

A si nain a tutan i ka vun ttialmi minung belte hi cu khuaruahhar minung pakhat cu a rak si ve ko zei ruangah tiah cun a thi ciami a nupi ruak bak kum 5 chung a ih pi ko. Vietnam ram Quang Nam ramtthen ah a ummi Le Van timi pa cu a luan ciami kum 2003 lio ah khan a dawt tukmi a nupi nih a rak thih taak.

A si nain a nupi a thi timi cu zum kho loin thil phun khat khat tal cun ka sin ah a um rih peng ko tiah a zumh peng caah an phum cangmi a nupi ruak cu a hlai tthan i a inn i aa kalpi hnu ah a nupi ruak a ziam dih cangmi cu minung pum bantuk in a ser hnu ah a ihnak pawng kam te ah aa chiah.

Le Van timi pa hi a nupi a thih hnu zongah thla 20 (kum hnih dengmaang) chung bak a nupi thlan cungah cun a riak peng. Fur caan a phanh tik ah a inn bak in a nupi thlan umnak tiang cu vawlei tang in lam co dingin timhlamhnak zong a nei nain cu thil belte cu a tuah kho ve lo.

A si nain a luan ciami kum 2004 a hung phanh tik ah aa tuar kho ti lo i a nupi thlan cu hlai in a nupi ruh ti bantuk pawl cu a inn ah aa ttin pi. A nupi luruh zong cu tlak phunkhat hmangin minung lu bantuk in a ser hnu ah a nupi nun lio mithmai keng ding zongin a ser fawn. Tuni caan tiang zong hi Le Van cu na thil tuahmi hi a dik lomi si tiah a ho hmanh nih an chimh ngam ti lo ruangah cu ti cun khua a sa peng rih ko.

Video zohnak: https://youtu.be/KETMO6n11WQ?t=2

 

Releated Post