Vawlei Cung Bawlung Chuih Thiam Hna Certual Chung Bak I An Thih Lionak Video

Thihnak kan timi hi cu minung kan mit kan ttheh kar te bak khi a si ko i cu thihnak kan timi zong cu zei bantuk minung hmanh nih kan hrial khawh bak lomi le kan ton cio te dingmi a si fawn. Zei bantuk mirum le minthang hmanh an thih caan phanh ah cun an thi ruangmaang ko i an thih hnu ah cun zei hmanh an i kal pi khawhmi thil zong a um hlei fawn lo.

Cu bantuk in vawlei cung bawlung chuih thiam hna zong an i ruah lo tuk lio caan bak ah an nunnak liammi hna an um i cheukhat cu an mah zoh tu minung a thong leng hna hmai bak ah an ttuan duh bikmi le an tlaihchan bikmi bawlung chuihnak i lente an i celh lio bak ah tlu in a thimi zong an tampi ve hna.

Cheukhat hna nih kan ruah ning ah cun mah bantuk bawlung chuih thiam minthang hna hi cu exercise zong caan hmaan tein a lami an si caah fawi te i a thi ko ding cun kan rak ruat lem hna lo nain bawlung chuih lio ah a thimi an tlawm ti lo. Bawlung chuih lio ah tlu in a thimi hna lak ah hin kan mah kawlram mi chungin cun tampi kan hei theih khawh lo hmanh ah minthang minta pakhat a si vemi Min Thway hi si ve.

Bawlung chuihnak certual chung ah tlu in a thi bakmi cu si hlah hmanh sehlaw bawlung an chuihnak i a tluk hnu le sizung an phanh pi hnu ah a thimi si ve ko caah bawlung chuihnak bak in a thimi si ti zong cu al awk ttha ve lo (bawlung kha rak chuih hlah sehlaw a thi lem hnga lo cu mu). A tutan i kan vun langh termi video hna hi vawlei cung bawlung chuih thiam hna nih bawlung chuihnak certual chung an tluk lio i a thimi hna video si.

Cheukhat cu an ka le an hnar hna i thisen a chuah bu bak in a thimi an um hna i zohnak hmanh hin ngaihchia le ruah tam lei bak an si. Mah video hi a zo cia le a hmu cia zong kan um ko lai nain a zoh rih lomi le a hmu rih lomi hna kan um sual ah tiah ka vun share tthan venak hi si.

Video zohnak: https://www.facebook.com/Cr7Planet/videos/140192953231358/?t=0

 

 

Releated Post