Zarhkhat Ah Arti Pumthum Leng Einak Nih Lungtur Zawtnak A Chuah Ter Deuh

Hi thil hi a dik takmi si le si lo cu ca ttial tu kei zong nih ka thei fiang ve lo nain holh dang in a ttialmi ka hmuh ruangah kan Laimi hna caah tthat hnemnak hna a nei sual ve hnga maw timi ruah channak he ka vun ttial venak si. Minung kan ngan damnak ding caah Arti pumkhat hi zei tluk in dah a tthat i zei bantuk tthat hnemnak dah a chuah ter timi kong he pehtlai in hlathlainak tuah tu mifim hna nih kum tampi hlathlainak an tuah.

Mah hlathlainak an tuahnak ah hin a phi chuak zong phun tampi in an hmuh ve i hlathlainak tuah tu hna nih hmanung bik a phi chuak an hmuhmi cu aa phun dan ngai caah zumh ding zong har ngai ve. Mah a phi chuak an hmuhnak ah cun zarhkhat ah arti pumthum nak tam a ei tu hna hi lungtur zawtnak a neimi an tam khun timi si i mah lengah cu lungtur zawtnak in cun thih caan phanh hlaan zongah thih khawh fawi deuh ti si.

Mah hlathlainak tuahnak ah hruai tu a simi Victor John nih cun “arti chungah hin minung kan taksa le thi cung i a ummi dat (cholesterol), a biapi cun a muru chungah hin mah cholesterol timi dat cu 186 miligram bak aa tel” tiah a chim i mah ti an hmuhnak zong cu Journal of the American Medical Association (JAMA) timi medical journal cung bak ah an langh ter ve.

Cun mah hlathlainak tuahnak hi American ram research tuahu phu paruk hna bak fonh in minung 29000 leng bak kum 17 chung hlathlainak an tuah hna. Nikhat ah Cholesterol 300 miligram ei nak hmanh in a mah Cholesterol a ei lomi hna nak in lungtur zawtnak 3.2% tluk in an tam deuh i an kum upat hlaan ah a thimi 4.4% tluk bak an phan tiah an langhter.

Nikhat ah arti pumcheu einak hmanh hin zakhar ah 1.1 tluk nih lungtur zawtnak an neih khawh lengah kum upat hlaan ah thihnak 1.9% tluk bak an phan kho. Arti kong he pehtlai in tuan deuh i hlathlatnak tuah tu hna nih cun arti einak he aa pehtlai mi thil dang kong hlathlai nak ttha tein an rak tuah chih lo caah a tutan an hmuhi result he aa dannak deuh zong hi si.

Source: https://www.telegraph.co.uk/science/2019/03/15/eating-three-eggs-week-raises-risk-heart-disease-study-suggests/

 

 

Releated Post