New Zealand PM Nih Christchurch Biakinn I A Thi Mi Hna Chungle Sinah Hmaizahnak Le Upatnak A Pek

New Zealand Prime Minister Jacinda Arden kum 38 mi nu nih tu nai te ah Christchurch mosque i a thi mi 49 chungle hna cu a kuh hna i hmaizahnak le upatnak a pek hna i a hnemh hna.

NZ Prime Minister Jacinda Arden nih hin Christchurch khuapi mosque i kahnak ah nunnak liam mi hna hmaizahnak le  upatnak peknak ah Christchurch khuapi an kah nak mosque innleng upatnak caah pangpar a chiah ve.

Christchurch khuapi Mosque kah nak ah hin mi 50 an thi tiah fiang deuh in an theih cang. Christchurch i misual pawl nih kah nak i nunnak liam mi hna an ruak hi an chungle sinah tuzanlei ah khan pek cang.

Christchurch i mitampi thah nak i a thi mi hna lak ah hin mi 42 hi Dean Avenue Central Christchurch khuapi i muslim biakinn Al Noor mosque ah an nunnak a liam, a tang mi pa sarih hna hi suburdan Linwood muslim biakinn ah an thi i pakhat hi Christchurch Hospital ah a nunnak a liam.

Dalia Mohamed nih a fanu pasal pa Hussein Mustafa upatnak a pek lio ah Dalia Mohamed nih: “Prime Minister nu kha kan pawng ah a scarf he a rak mi hi sunglawi tuk mi a si’’ tiah a chim.

Islam phunglam ah cun ruak hna hi an thih hnu caan rau lo te ah hal ding a si sihmanhsehlaw minung 50 hna ruak hi hal cawlh lo in an chungle sinah an pek tthan hna. Palik pawl chimning ah cun Al Noor Mosque ah hin ruak dang an hmuh tthan i palik pawl nih an ttih mi cu minung ruak zat hi sawm nga in sawm ruk ah a kai kho men ti mi hi asi.

 

Releated Post