Mintami Wat Mhone Shwe Yi Hngakchiat Lio Hmaanthlaak Hna

Tulio kan kawlram mintami hna lak ah ttheih-ttaan mintami pakhat a si vemi muidawh mintami Wat Mhone Shwe Yi hi cu a muidawh nak lawng hmanh si loin a tungtai dawhnak hrim nih hin mipi lungthin a hip khawh tuk caah tulio ah cun a min thang bak ve ko. Zei bantuk dirhmun i lem a can zong ah thiam tak tak in lem can a thiammi a si bantuk in a tu tiang ah academy laksawng pahnih bak a hmuh manh ve cang.

Academy laksawng pahnih tiang hmanh a hmuh cang ko nain a nuh ping ngia lei rian ttuannak ah nikhat hnu nikhat in thazaang thar a la peng ko rih i a tu lio zong hi zuksin video zatka thar aa zeih cuahmah lio si. Cun tulio zongah hin mintami Wat Mhone Shwe Yi lem a cannak leih pyia saan ein timi an piah cuahmah lio le a laar cuahmah lio si fawn.

Cun minung cu a ho paoh nih kan hngakchiat lio hmaanthlaak kan i neih cio hna bantuk in mintami Wat Mhone Shwe Yi zong nih cun a sunglawi tukmi a hngakchiat lio hmaanthlaak aa neih ve hna. Mah a hngakchiat lio hmaanthlaak hna cu a mah facebook account in mipi hmuh khawhnak ding caah social media cungah a hun thlah ve hna.

Mintami Wat Mhone Shwe Yi hi mintami a ttuan hnu lawng ah si loin a hngakchiat lio te bak in aa rak dawh mi nu a si ti cu mah a thlahmi a hngakchiat lio hmaanthlaak zohnak bak hin theih khawh si ngai ko. A nih hi Shan Tuluk kahpia a si tiah cheukhat nih an chim i (a si tak le si tak lo cu ka thei fiang ve lo) a takvun zong a ngo bak lengah a muisam te zong hi duh a nung ko tak tak.

A zoh cia le a hmu cia zong kan um ko lai nain a zoh rih lomi le a hmu rih lomi hna kan um sual ah tiah mintami Wat Mhone Shwe Yi hngakchiat lio hmaanthlaak pawl cu a thar in kan vun share tthan ve.

Releated Post