White House Hmaiah Amah Leh Amah I Khangh Tupa Cu President Caah Ttihnung A Si Lo Tiah Zumh Asi

Cawnni ningani zanlei ah pakhat pa nih amah leh amah cu White House Donald Trump rianttuannak hmaiah mei he aa khangh tiah theih a si. Cawnni ngani zanlei i White House hmai i amah leh amah mei he i khang tupa cu President Donald Trump caah hronak / ttihnung (threat) a si lo itah Secret Service nih a chim. Zanlei ET (eastern time) 3 pm hrawng ah khan White House hmaiah pakhat pa nih amah leh amah mei he aa khanghnak a khu cu hmuh a si. Mah thil a can ruangah hin Donald Trump caah hin security hi ttha deuh in an pek cun mah thil ruangah hin Secret Service hna nih Pennsylvania Avenue le 17th lam hna cu an khar.

Secret Service nih mah thil cannak hi twitter ah hiti hin an tar, “pa pakhat electronic wheelchair-phun scooter mawngtu pa nih a jacket cu Pennsylvania Avenue,North Fence Line inn leng pawng i a tthut lio ah mei he a khangh. Cun a rannak in Division

Officer nih mei cu an thah cawlh i first aid an pek cawlh” tiah an tar. Reporter pawl nih mah pa hi ambulance lei ah an kal pi lio cu an van langhter “mei he amah leh amah i khang tupa cu local hospital ah an kal pi cun a hlim hna hi ttih a nung lo mi hliam” an si tiah an chim. Secret Service aiawh i biachimtupa nih hi ti

hin CNN sinah a chim “mah pa hi thluak lei zawtnak or hruhnak (mental health problem) a neimi a si cun amah hi ttih a nung lo mi mei khanghnak degree 1 he a hliam cu zokhenh a si, cun kan agency zumh ning ah cun President Donald Trump caah hin mi ttihnung (threat) a si lo tiah kan zumh ” tiah a chim.

Mah thil a can hnu ah hin President rianttuannak White House ah hin security hi fak piin thazaang an pek cawlh cun mah ni ah hin White House hi an khar cawlh i an press conference vialte an nganh dih tiah theih a si.

Releated Post