Connor Mcgregor “Aa Tthua Tthan Lai”, Tiah Ufc President Nih A Chim

UFC President Dana White nih Connor McGregor cu aa tthua tthan lai tiah bia thar a chim. Connor Mcgregor nih tunai te ah khan mixed martial arts (MMA) in ka ding cang lai tiah twitter ah a thlah ka ra tthan kho men tih zong a chap cun a tu ah hin ruah lo piin UFC president Dana White nih “Connor McGregor cu aa ttua tthan lai” tiah a chim. CNN he an chawnhnak ah March thla ni 25 ah Connor McGregor nih a fans hna sinah MMA in kaa din cang lai a ti mi bia cu hiti hin chim bu in a fehter, “Connor McGregor aa tthua tthan lai.” Tiah a chim. Cun McGregor nih kaa din cang lai ti bia a chim hnu a kip ah khan kan i chawn cawlh tiah a chap.

“Keimah le Connor hi nichiar kan i chawn peng i thil umtu ning hi a ttha thluahmah cun mah hi kan fiang tein kan  khiah tthan lai” tiah a chim. Dana White le Connor McGregor hna hi hawikom ttha ngai mi an si. UFC President nih hin Connor hi UFC ah i tthua tthan ding in an nawl i Connor zong nih zei hmanh al ve bak lo in ka tthua tthan lai tiah a ti.

March ni 26 ah khan Connor nih Twitter ah mixed martial art (MMA) in ka ding cang lai tiah a thanh, mah a thanh mi nih hin a fans tampi lung a rawh dih hna a si nain Dana White nih Connor he an i chawnh hnu ah hin McGregor nih hin Twitter ah a thar in April ni 4 ah khan UFC ah aa tthua tthan lai tiah a thanh tthan cun Dana White zong nih a thanh ve.

The Tonight Show ah McGregor nih “a ra lai dingmi July thla ah khin ka tthua tthan lai. Politics hi a tam tuk rih a tu ah cun ka fans hna sinah khan hihi chim ka duh ka shape ah ka um tthan cun ka fit tthan” tiah a chim. McGregor nih hin kum 2016 hin a tu tiangah teinak a hmu rih lo.

Dana White nih May Weather leh Khabib kong ah hi ti hin a chim, “ an pahnih ah pakhat deuh nih i tthua tthan an duh ah cun a cawnni rukni ah hin kan tuah cawlh lai, cun Maw Weather nih hin i tthua tthan a duh ah cun 100% bak Octagon ah kan tuah lai. Cun mizapi nih hin Khabib he i tthua tthan ding zong in nan duh ti ka theih cucaah mah kong zong kha ttha deuh te in kaa ruat te lai” tiah a chim.

Releated Post