Zei Ruang Ah Dah Aung La Nsang Nih Teinnak A Hmuh Tawn

Kan theih cio bantuk in One Championship nih tuah mi Mix Martial Art ah Champion taisawm pahnih bak a co tu Kachin kan unau pa Aung La Nsang hi MMA aa rak tthuat ka hrawngah khan cun sunghnak te te zong a rak hmu pah ko nain kum 2017 hnu khan cun sunghnak si loin teinak tu a hun hmu deuh cang.

A si nain a luan ciami kum 2017 January thla ni 14 lio ah khan Vitaly Bigdash nih faak tak tak in a rak tei nain kum 2017 tthiam June ni 30 bak ah a mah Aung La Nsang nih a singkhaw tthan bantuk in an i tthuat tthan tik ah a tei tthan ve. Cu hnu kum 2017 hnu cun tuni caan tiang i MMA aa tthuatnak ah voikhat te hmanh a sung bal ti lo, cun teinak a hmuh tik zongah hin Japan pa ken Hasegawa he a voikhat nak an rak i tthuat lio ti dah lo cu fawi tuk in a tei tawn hna.

Tutan ah ttial ka duhmi cu zei ruangah dah Aung La Nsang nih mah tluk pehzul in hin teinak a hmuh tawn timi hi si, vawlei cung ah pathian dang dang a bia tu minung le miphun tampi an um lengluang ko hna i mah lak ah cun kan nih Khrihfa (Christian) lawng lawng hi a nung tak tak mi Pathian bia tu kan si.

Tuzing facebook ka vun kau bak ah Aung La Nsang nih a mah facebook timeline cungah ca a thlahmi te pakhat ka hmuh i mah nih cun ka nunnak ah rian a vun ttuan ngai. Aung La Nsang nih a ttialmi cu ka nunnak i a sang bikmi le a ngan bikmi test nak ka tuah lai ah Pathian sin ah lawmh nak chim hi ka duh tuk timi te khi si.

A mah nih cun ‘the moment before the biggest test of my life, I like to kneel and give thank’ tiah a ttial i mah tang te ah cun kan Bible chung Psalm 23:4 nak te kha ‘though I walk in the valley of the shadow of death, I fear no evil because He is with me’ tiah mirang ca bak te cun a ttial chih fawn.

Aung La Nsang nih teinak a hmuhmi hi a biakmi le kan biak ciomi, a nungmi kan Pathian bawmhnak thawngin a si bak ve ko timi hi al khawh hrim si lo. Aung La Nsang tuanbia kan zoh kan rel tik zong ah a nih hi a nungmi Pathian a ttihzah tu le aa bochan tu bak a si timi hi fiangtuk in a langh caah zei ruangah dah teinak a hmuh tawn tiah cun a mah aa zuamnak cungah Pathian nih teinak thluachuah a pek timi hi fiang tein chim khawh si.

 

Releated Post