Ni Len Nih A Tlangval Pa A Ngaihnak Kong A Phuan Tthan Ruangmaang Cang

Kan Lai nu chungin Myanmar Idol hlasak zuamnak ah top 11 finalist tiang a phan ve kho tu Lai nungak dawh le aw ttha Ni Len zong hi Guitar lawkah timi i hmun pakhat a hmuh khawhnak ding caah a tu tiang zongah a mah le a si khawh chung tein aa zuam peng vemi si bantuk in kan Chin miphun lawng hmanh si loin Kawl miphun tiang nih an uar ngaimi le thazaang an pek ngaimi nu pakhat dirhmun tiang a phan kho ve cang.

Ni Len hi ka fak tuk nak cu si lem lo nain kan Chin nungak hna lak ah cun lungthin fek a nei bak vemi nu pakhat cu si lai tiah ka ruah, kan hnu kum 2018 i Myanmar Idol hlasak aa rak zuam cuah mah lio bak ah a duh a dawt tukmi a tlangval pa nih nunnak dang ah a rak kal taak (a fawinak cun a rak thih taak) ko nain a ngaih chiat tuk bu tein aa zuam cuahmah mi le a tuah cuahmah mi rian cu a dih dongh tiang bak pehzul tein a ttuan ve ko.

Mi zei bantuk minung kan si hmanh ah kan mah le kan duh dawtmi minung he nuam tein caan hman tti a duh lo tu cu pakhat hmanh kan um lai lo i kan far nu Ni Len zong nih hin a duh dawt tukmi a tlangval pa he a thar tthan lengmang dingmi thaizing ni ceu dawh zong hi hman tti peng a duh ko lai, a si nain mah bantuk ruah channak a neihmi vialte a hrawh dih tu thil cu a ca i biapi tukmi caan a si lio bak ah a rak ton ve.

Vawlei cungah hin i duh tuk bu tein aa tthenmi nungak le tlangval zong an tam pi ko lai nain Ni Len tonmi thil bantuk hi cu a ho hmanh nih an tong rih lo kho ve. A mah Ni Len zong nih a tlangval pa a ngaihnak lungthin hi a daih ter kho hrim rih rua lo, kan hnu kum kawl titoih puai ah a tlangval pa he an rak len ttinak le nuam tein caan an rak hman ttinak hmanthlak pawl zong a thar bak in a hun thlah tthan hna.

Mah a thlahmi cung te ah cun “April 14…2018 kan hnu kum lio ah khan cu a tu bantuk ah hin a mah he nuam tak in lam hna kan rak leng tti i inn kan ttin lei cu seih-ka bak in kan rak ttin lio caan te kha ka ngai khun ko, nan dih lak cungah lawmhnak um hraam ko seh” timi caption te zong a hun taar chih.

 

Releated Post