Germany, Khuapi Frankfurt I Ralpi Pahnihnak Bomb An Hmuh Mi Cu Him Tein Tiva Ah An Puah Khawh (Video)

Frankfurt, Germany khuapi i meithattu (firefighter) hna pawl nih anmah department ti lio (diving) exercise an tuah lio ah World War II lio i bomb cu an va hmuh i a rannak in nawl ngeitu hna an chimh cawlh cun zarhpini ah khan mah bomb an hmuh mi hi him te le tluangte in an puah khawh. Frankfurt, Germany khuapi i tiva i World War II bomb an hmuh mi hi Kg 250 (550 pound) a si. Cun

cawn ninga ni ah khan mah WWII bomb hi an hmuh cang a rannak in mah tiva pawngkam i ummi mipi hna cu an chuah ter cawlh cun bomb difuse lei i a thiammi hna nih zarhpini ah khan mah bomb hi tiva chungah an puah. Frankfurt Mayor Peter Feldmann nih twitter ah hi ti hin a thlah “Bomb diffuse thiammi hna leh mipi hna cungah kan i lawm tuk cun mah tiva pawngkam i ummi mipi hna zong nawl ngai tein nan in nan kan chuah tak i nan lungsaunak cungah kan i lawm,” tiah a tar.

“cun mipi mah tiva pawngkam i ummi mipi hna himtein a rak chuah pi tu hna cungah zong lawmhnak bia ka chim” tiah a bia a chap. Bomb diffuse lei i a thiammi (expert) lei nih mah bomb hi tiva chungah an puah lio ah hin mipi tlawnpal nih cun khuapi chuahtak loin tiva kam ah bomb puah lio cu an zoh hna. A luancia kum 2017 ah khan Germany khuapi Frankfurt inn sak nak hmun ah voi khat cu World War 2 lio i bomb tthiam tthiam ton 1.4 cun HC 4000 air mine bak an hmuh tikah mah khuapi hin minung 60,000 leng an chuah ter hna tiah theih zong a si.

Releated Post