Kawl Titioh Puai Ah A Laam Dingmi Nu Pahnih Naam Sawh An Tong

Kan kawlram titoih puai hi khat lei ah cun kawl mipi hna caah an kumthar si bantuk in an i nuamh biknak puai pakhat cu si ko nain mah titoih puak (thingyan) ah hin kum tin te a thimi minung an tlawm bak lo, cu ruangah mah titoih puai timi an kumthar hi minung thihnak puai pakhat bantuk ah a hung cang ko cang.

Titoih puai a nikhat nak ni ah Mandaly khua chung lawng hmanh ah minung pathum an thih lengah minung leng nih hliamhma tuar in sizung an rak phan, cun a luan ciami April ni 12 ni zanlei suimilam paruk le minute  hrawng ah khan Kachin ramkulh Moe Ngin khua sang pakhat ah a ummi Ma Maw Maw Aye, Ma Hnin Yu Htwe le Thasi sang um May Mi Hnin hna cu titoih puai ah a laam ding an si caah laam cawng dingin an kal.

An pathum tein laam cawng dingin an kal lio ah cun Thet Pine Oo timi pa a rak phan i May Mi Hnin he bia an i al len, mah ti bia an i al lio ah cun Thet Pine Oo nih aa rak ken ciami naamte in a orhlei hngawng, a kehlei hnnkhaw le a hngawng ruh hnu lei zawn ah a sawh, cun a takpum cung hmun dang zongah naam te a tuk chap hna caah Ma May Mi Hnih cu phungki inn lei ah a tli.

Ma May Mi Hnin a tlik hnu ah a hawi nu Ma Aye Aye Maw nih a si khawh chungin Thet Pine Oo cu a hlemh cuahmah lio ah Thet Pine Oo nih Ma Aye Aye Maw tu cu a lu bak in naam in a sawh hoi caah Ma Aye Aye Maw zong cu phungki inn lei a tlik pah a tlu, Thet Pine Oo tu cu aa rak kenmi a motorcycle he lo diam a tli ve.

Thil cannak hmun ah ttuanvo nei tu sang bawi le palik hna zong an rak phan colh ve i hliamhma tuar tu Ma May Mi Hnin le Ma Aye Aye Maw cu sizung ah an tlik pi ve colh ko hna nain zaan suimilam 11:50 tluk hrawngah Ma Aye Aye Maw cu a tuarmi hliamhma he a nunnak liam. Ma May Mi Oo le Ma Aye Aye Maw naam in a sawh hna tu Thet Pine Oo zong tu cu a zaam caah a tu hi palik nih an kawl cuahmah lio si.

Releated Post