Siahngakchia Kum 22 Cu Hman A Thlaknak Ah University Bell Tower In A Tla I A Thi

University siahngakchia Sydney Paige Monfries kum 22 mi cu pe 40 (feet) tluk sang mi university bell tower in Instagram caah hman a thlaknak ah a tla i a nunnak a liam. Kum 22 Sydeny Paige Monfries cu a sianginn kainak NY i ummi Fordham University campus, zarhpini zinglei nazi 3am i thil ttihnung cang hnu ah hin a umtuning (condition) hi ttih a nung ngai ngai.  Zumhning ahcun Sydney nih hin student hna an graduate deng cang ruangah hin hman thlak ttihnung thlak i instagram i chiah a

duh caah hin a thlak tiah an zumh, asinain journalism lei i siahngakchia Sydney nih hin Keating Hall clock tower ah instagram ca i hman a thlak nak ah hin ruah lo piin a nal i a tluk tikah a nunnak a liam. Sydney sianginn hna nih Sydney hi mah a tlak hn hin a

nunnak a liam cang tiah zarhpini ah khan a chungle sinah ca an kuat hna. School President Josep McShane nih tihin a ttial: “Mah thil cang mi hi lung rawk ngai a si, Fordham College i siahngakchia Suyney Monfries cu Keating Hall clocl tower in zinglei ah a tlak nak ah hin a nunnak a liam,

“kan thinlung le kan lungrawhnak vialte Sydney nu le pa le a chungle sinah kan pek, mah hi khuaruahhar sung a si an ngaihchiatnak kan in hrawm pi hna. Fordham University hin Sydney a dih deng mang mi zong a si natein a karlak ah a nunnak a liam caah hin kan university nih hin a rannak in a University Bachelor Degree zong a nu le pa hna sinah kan rak pek te lai.” tiah a ttial.

Kum 322 a si mi Dave barn Yard Barbecue rianttuantu nih “amah cu a hawi le hna he an um tti, ka roommate pakhat kha a pawng ah a um ko cun kan senior hna nih tower graduate hlanah hman thla hna u sih an ti i kal an duh tiah a ka chimh” tiah a chim.

Dave chimning ahcun, ‘Sydney hi tower in a tlak lio ah hin ka hawipa cu a pawng ah a um ko, tiah a chim cun “Sydney hi a tlak hnu ah hin “a lu aa khawng i thaw a dawp kho lo” tiah a bia a chap. Mah tower hin Sydney a tlak hnu ah hin tower hi an khar cawlh. A chungle hna zong nih fak piin an tuar.

Releated Post