Kum 6 Hngakchia Nute Cu A Tta Pa Nih Meithal He A Kah Sual I A Nunnak A Liam

Kum 6 hngakchia nute Milie Drew Kelly cu a tta kum 4 a si mi nih mawttaw chungah meithal he a lu ah a kah sual i a thi. Nu fa hna hi mawttaw chungah an um tti lio ah mawttaw a tthat lo caah a nu nih hi mawttaw chung hin a chuak i aa rawk nak pawl a kawl.An theih ning ah cun hngakchia pate nih hin a nu chuah kar lak ah hin mawttaw chung i thil chiah nak hrawng ah meithal cu a hmuh cun a nun chung vialte aa ngaihchih dingmi thil a tuah sual, mah thil hi US, Georgia ah khan cawnni khat ni i a cang mi thil a si. Millie Drew Kelly hi a rannak in hospital ah an kal pi cawlh,

Sihmanhsehlaw Millie vanchiat ah a ni hnih hnu ah a nunnak a liam. Sheriff aiawh bia chimtu Sgt. Ashley Henson nih thil can ning hi hi ti hin a chim: “an nu fa hna hin chuak ding in an i timh tuah dih cang natein mawttaw chungah an luh tikah mawttaw cu a ttha ti lo,

 

“cucaah a nu nih innleng ah chuak in a tthat lonak a kawl i ser aa tim, asinain timh lo ning in hngakchia pate kut ah meithal a um cang i a ttuh ah a rel a ni nih, cun caan rau lo te ah an pahnih hringtunu nih meithal thawng cu a theih, a nu a lung fah lai ning hi zaangfak a si.” Tiah a chim.

Palik hna nih kum 4 hngakchia pate cungah hin zei sual puhnak or charge a um lai lo ti cu kan confirm cang, “a caan ah cun accident hna zong a um cun thil ttha lo hna zong mi ttha cungah a tlung tawn tiah” AJC nih an report. Cun Millie taksa organ hna cu midang nunnak khamhnak caah midang sinah an pek cun

GoFundMe Page hna zong Mille thihnak ruang i a tuar mi chungkhar hna caah an awnpiak, nan donate duh ve ah cun mah link GoFundMe ah hin van click u law rak donate piak ve uh. Mah page GoFundMe ah hin $37,825 hrawng an pek cang hna

Amanda Duvanent nih hitihin a ttial: “Cawnni khat ni, Aprial thla ni 8 2019 ah hin thil tthalo tak tak nih Mille Drew leh chunglhar hna a tlawng hna, Millie tta pa nih meithal he Millie cu a orhlei lu ah kah sual caah a nunnak a liam, asinain a fahnak vialte Pathian nih a donghter cang i amah pawng ah vanram ah a um cang” tiah a ttial.

Releated Post