Mipi Nih Model Smile An Soisel Ning Cu A Faak Bak Ko

Kan kawlram mintami le model hna lak ah a mah le a chan lio hrawng te ah khan cun mipi nih an rak uar ngai vemi model Smile hi si i video zatka tampi hna zong ah lem a can tawn cang bantuk in cawngia zeihnak lei ah le hla video hna chung zongah lem a rak cang tawn vemi si, a tu bel ah cun pasal zong a hun neih ve cang caah a nuh ping ngia lei rian ttuannak ah thazaang a la kho tuk ti lo.

A nuh ping ngia lei rian a ttuan nak in caan tlawmpaal a rauh hnu ah pasal a hun nei ve i a pasal zong nih a dawt ngai caah kawlram a nuh ping ngia rian ttuan tu hna nu le va ah cun mipi zong nih an zoh chun ngai vemi an si. Zei bantuk harsatnak an ton zong ah an nuva tein an rak pah chih tawn i a tu ah cun a nuammi chungkhar khuasak in khua an hung sa kho ve cang.

Model Smile hi puanglang tein biachim hmang tu mintami pakhat a si caah mah ko te hi mipi nih an uar khun ngaimi cu si i a pasal he cun fanu rosung pahnih zong an nei cang. Mah a fanu pahnih hna lak ah upa deuh nu cu a nu bantuk in model rian ttuan aa tim vemi a si bantuk in a nih hi a takvun nak nawn te cu a si ko nain iang a neih ngai caah mipi lei zong nih an uar ngai.

A si nain mipi lei in cheukhat hna sin bak in mah a nak nawnmi a fanu kong he pehtlai in soiselnak a hung chuak ve, zei bantuk soisel nak dah a si tiah cun mah a fanu upa deuh hi Negro (minak) pa he an neihmi si timi kong bak si ko. Mipi cheukhat hna sin in mah bantuk soisel nak a chuakmi kong he pehtlai in “zei bantuk Negro pa he kan neihmi zong si lo i Buddhist biaknak a biatu kawlpa he kan neihmi te bak si ko, mah hi thawngpaang dik lo a si caah rak zum hraam hlah uh” tiah model Smile nih cun a chim.

Cun mah a fanu hi a pasal pakhat nak pa he an neihmi si i mah a pasal pakhat nak pa hi Negro (minak) thisen aa cawhmi pa si tiah model Smile kong a thei bak tu cheukhat hna nih an chimmi kong he pehtlai in “ka si ning a thei bik tu cu keimah hi ka si ko, ka pasal hi kawl holh te a hmangmi si i pasal zong pakhat te lawng bak a neimi ka si ko” tiah model Smile nih cun a chim chap.

Releated Post