Tulio Asia Ram Chungah Aa Dawh Bik Nu Pa (5) Hna

Hlathlai nak tuah tu hna nih an chim ning ah cun vawlei cung ah aa dawh bikmi nu pawl hi Asia ram chungah an tam bik ti si, a ruang cu Asia nu pawl hna nih an muihmai zong aa dawh lengah ah an takvun le an mithmai panh nak hrim nih hin a cawisaan tuk hna caah vawlei cung nu hna lak ah aa dawh bik an sinak hi si, mah hna lak zongah cun aa dawh bik tiah thimmi nu panga an um rih i a tang lei ah ka vun langhter hna lai.

Navneet Kaur Dhillon: Navneet hi a luan ciami kum 2013 lio ah khan Miss India World a hmuco tu si i a nih hi kum hnihnak kai liomi College siahngakchia a si. A mui dawnak zoh tik ah hin Asia ram chung nu aa dawhmi vialte hna lak i pakhat nak bak ah an rak thim zong hi thim phu te bak si ko.

Carey Ng: A nih zong hi a luan ciami kum 2013 lio ah khan Malaysia miss zuamnak ah teinak hmu tu bak a rak si ve, cun Miss Universe zuamnak zongah aa zuam bal vemi si bantuk in aa dawhnak hi vawlei cung pi theih in a hung laar venak hi si.

Ariella Arida: A nih zong hi Philippine ram muidawh zuamnak ah pakhatnak laksawng bak a rak hmu bal vemi si, cun muidawh zuamnak kip ah aa tel tawnmi a si i a mui dawhnak lawng si loin a thluak tthat tuk ruangah a minthang bak, Chemistry lei kong he aa pehtlaimi degree zong a hmu cang.

Kim Yu Mi: Tunu pakhat bantuk in aa dawh vemi Korea nu muidawh Kim Yu Mi hi a luan ciami kum 2013 lio ah khan Miss Universe Korea timi zuamnak le kum 2012 Miss Korea timi zuamnak ah laksawng pahnih bak a hmu bal tu si ve.

Whulandary Herman: A nih hi Indonesia miphun a si i Jakarta khua ah model rian a ttuan cuahmah liomi si, a luan ciami kum 2010 lio ah khan Asia Top Model of The Year timi laksawng, Fashion Asia Award le Puteri Indonesia timi laksawng pathum bak a hmu tu si, cun a luan ciami kum 2013 lio ah khan Miss Universe zuamnak zongah aa zuam bal ve.

 

Releated Post