Phatema Rian Ka Ttuan Kho Bak Ti Lo Tiah Lamkam In Kawl Nu A Au Len

Tulio kan kawlram khuapi cheukhat hna chungah a buai bikmi thil pakhat cu beauty polour tiah lenglei in signboard taar riangmaang i chunglei ah hlawhhlaang rian ttuannak hi si. Mah bantuk dawr le thil tuah tu hna hi khua dang chim lo Yangon khuachung hmanh ah tam lak te an tlaih cang hna.

A luan ciami April ni 15 chun suimilam 12 tluk hrawngah khan Kachin ramkulh Myinkyina khua Shwengyeong timi sang ah Ma Nyi Lar Aung timi kum 39 nu pakhat cu “hlawhhlang rian ttuan hi a celh zong ka celh ti lo i a ttuan zong ka ttuan kho hrim ti lo, ka hnuk le kan zun zunnak zong an faak tuk cang” tiah ningzah nak zong nei ti lo bak in a au len ko.

Mah nu nih a chim ning ah cun a mah hi Yangon khua ah a um vemi si i Yangon khua North Okkala ah a ummi nu pakhat nih beauty polour ah rian na ttuan lai i dawr ah a rak rami pawl an lu na ttawl piak hna lai, cun a herh le na hmeh piak hna lai tiah a ka auh nain a ka kalpi nak dawr kan phanh tik ah beauty polour tiah lenglei in signboard an taar ko nain chunglei ah hlawhhlaang rian ttuan tu an rak si diam.

A ngai ngai ti ah cun kei hi thiang hlim tein rian ttuan ruah ah mah ka hmun hi a rak phanmi ka si caah a tu bantuk in hlawhhlaang rian ttuan hi cu ka celh ti bak lo ka ttuan kho ti lai lo ti ka chim paoh ah dawr nei tu hna nih an ka velh peng. Ka hmai ah an ka bengh lengah hmunphiah te hna in an ka tuk chih i ka sam zong an ka phongh dih lo lawng bak si ko.

Kawl titoih puai ah kan biaknak phungki siangin te ah kikthlum pek ka duh ka ti hna zongah an ka sianh lo, palik sin ah kan report hna lai ka ti paoh ah an ka velhnak a zual chin fawn, kan dawr kam ah rian a ttuan vemi hna nih ‘phatemah nu’ tiah an ka auh hrim ah cun a celh in ka celh hrim lo, a tu ah cun ka hnuk zong a faak tuk cang i ka zun zunnak zong a faak tuk cang tiah mah nu nih cun a chim.

Video zohnak: https://www.facebook.com/dkhitnews24/videos/347952309404605/?t=154

 

Releated Post