Buddhist Phungki Pa Nih Pakhat Pa Cu A Fapa Lente Aa Celh Pi Ruangah Fak Tak Tak In A Chuih (Video)

Kum 38 a si mi Phra Sathit nih tlawmpal chambaunak a nei mi pa cu Samut Prakan, Thailand khuapi ah a velh a velhnak a ruang hi Phra Sathit chimning ah cun a fapa kum 6 te lawng a si rih mi he lente ttihnung tak tak mi aa celh pi ruangah a si tiah a chim. Phra Sathit, kum 38 hi CCTV ah a langh ning ah cun anmah phungki angki fual aa hruk cun Phra nih hin taksa lei in a chambau mi Nok tiah an auh mi kum 30 a si cun Phra nih hin a dawi i a tlaih i a lu ah fak piin

a thongh. Cun phungki pa nih hin tlawmpal a hrut deuh mi pa hi ttuang ah a thongh  cun a lu ah fak piin voi 4 bak a chuih. Mah a velh hnu ah hin Phra nih Nok hi inn chung ah lut dingin a chimh cun Nok nih a ttih tuk ruangah a lut ve cawlh, Phra nih Nok a velh lio hi Nok hringtunu nih a hmuh tikah April ni 8 ah khan Thailand ram i Samut Prakan biakinn ah a va phunzai. Nok hringtunu nih Samut Prakan i biakinn ah a va phunzai tikah,

A rannak in Phra hi biahal dingin an auh cawlh i zeiruang ah dah na velh tiah an hal tikah Phra nih hi ti hin a leh, “Nok nih hin ka fapa he lente an i celh nak ah hin fak tak tak in a celh pi ruangah ka thin ka sum kho ti lo caah a si” tiah a leh hna.

Nok hringtunu nih hin a fapa vel tu hi phungki biakinn dang anmah umnak he aa hlat mi ah nan tthial a si ahcun ka buai ti lai lo tiah a nawl hna tikah Phra cu a umnak hlun in miles 50 aa hlatnak hmun Eastern Thailnd, Chonburi peng ah an tthial. Anmah umnak i phungki haotu bik Phra cawnpiaktu nih, “Phra nih hin CCTV i thil cang mi hna vialte hna hi a hman dih ka sual ko tiah a ka chimh, cun Phra nih ka thintawi caah ka ngaihthiam tiah a ka nawl” tiah a chim cun Phra hi kum hnih chung bak cu phunki a si ve cang cu thil ttha tampi zong a tuah cun,

“phungki biakinn caah zong tampi tthatnak a tuah asinain a thil tuah mi hi a hman lo mi a si caah hmun dang ah kan tthial” tiah a chim. Phra Pradaeng District i palik hna sinah mah kong hi a phan ve an chimning ah cun mah hi online social media ah kan hmuh i a rannak in dothlatnak kantuah cawlh lai tiah an chim.

Releated Post